பிரபல நட்சத்திர வீரருக்கு நேரடியாக மிரட்டல் – கண்டம் துண்டமாக வெட்டி வீசி விடுவேன்?

வங்கதேச கிரிக்கெட் அணியின் கேப்டனும், ஆல்ரவுண்டருமான ஷாகிப் அல் ஹசன், சூதாட்ட தரகர்கள் தன்னை அணுகியதை கிரிக்கெட் வாரியத்திடம் தெரிவிக்காததால் அவ்ர் இடைநீக்கம் செய்யப்பட்டிருந்தார்.

இந்த நிலையில் தற்போது மீண்டும் அவர் கிரிக்கெட் விளையாட துவங்கியுள்ள இந்த நிலையில் அவருக்கு ஒரு கொடூரமான கொலைமிரட்டல் வந்திருக்கிறது. அந்தக் கொலை மிரட்டல் முகநூல் பக்கத்தின் மூலம் நேரடியாக வெளியாகியுள்ளது. முகநூலில் பேசிய மொஹ்சின் தாலுக்தார் என்ற வங்கதேசத்தை சேர்ந்த மர்ம நபர் ஞாயிற்றுக்கிழமை மதியம் 12 மணிக்கு முகநூல் பக்கத்தில் வந்து ஷாகிப் அல் ஹசனை துண்டு துண்டாக வெட்டி வீசி விடுவேன் என்று நேரடியாக கொலை மிரட்டல் விடுத்துள்ளார்.

அதற்கான காரணம் என்னவென்றால் கொல்கத்தாவில் மிக சமீபத்தில் காளி பூஜை ஒன்று நடைபெற்றுள்ளது.அதில் சாகிப் கலந்து கொண்டார். மேலும் அந்த பூஜை விழாவை தொடங்கி வைத்ததே அவர்தான் என்றும் கூறப்படுகிறது. அதனால் ஷாகிப் அல் ஹசன் செய்யும் பல நடவடிக்கைகள் இங்கே இருக்கும் இஸ்லாமிய மக்களை பாதிப்பதாகவும், கடுமையாகப் பேசி வெறுப்புணர்வை தூண்டும் வகையில் இருப்பதாகவும் கூறிய அந்த மர்ம நபர் முகநூலில் நேரடியாக கொலை மிரட்டல் விடுத்துள்ளார். தற்போது காவல்துறையினர் கொலை மிரட்டல் விடுத்த அந்த நபர் மீது சட்டபடி நடவடிக்கை எடுப்பதாக கூறி வருகின்றனர்.